Hardik Zala

રાધાને શ્યામ હવે હોળી રમે છે પણ ચેટિંગમાં ઈન્ટરનેટ ઉપર કંઇ પણ ભીંજાય નહિં, ક્યાંય ખબર થાય નહિ એવી આ રમત્યુંનું ચક્કર...
કનૈયાએ ઈમેલમાં પિચકારી મોકલી ને રાધાનો વેબકેમ ભીંજાણો 'મિસ યુ' લખીને જેવુ રાધાએ મોકલ્યું ત્યાં ઓલો આખો આખો રંગાણો સાયબર ધુળેટીમાં સફિઁગ કરીને બે'ય પૂછે છે આમ ખબર અંતર બચપણની વેબસાઇટ ખોલીને રાધા વાંસળી કરે છે ડાઉનલોડ દિલમાં ફીલિંગ્સ લઈ, સ્લીપિંગની પિલ્સ લઈ પરાણે ઈ તાણે છે સોડ! કનૈયો'ય દ્ધારકામાં અમૂલના બટરથી પુરુ કરે છે હવે જીવતર...
દુનિયાની સાથે હવે રાધા બદલે છે એને ફાસ્ટ ફૂડ લાગે છે ફાગણ માધવે'ય મોબાઈલથી ઓડઁર આપે છે હવે થાતો નથી કાંઈ ઈ માંગણ ! બધિ'ય રાસલીલા 'રિમિક્સ' કરીને એણે વેંચી છે 'ડિ.જે.' ને અધ્ધર...
મોરપીંછ જેવો એક મોબાઈલ રાખે રાધા પણ કાનાને કરતી નથી ઈ કોલ સોળ હજાર રાણીયુમાં સલવાણો બચ્ચાડો કેવી રીતે છટકે તું બોલ, ટિસ્યૂ તો 'સાંઈ' છે બંનેના ખિસ્સામાં પણ આંખ્યુ થઈ સૂક્કો સમંદર...